ILOILO CITY – Ginbasura sang Court of Appeals (CA) ang apelar sang kampo ni anay Iloilo City Mayor Jed Patrick Mabilog nga ibasura ang desisyon sang Ombudsman nga nag-dismiss sa iya sa serbisyo.
Santu sa desisyon nga ginpaguwa sang CA nga ginsulat ni Associate Justice Ramon Paul Hernando, teknikalidad sang petisyon ang rason sang pagbasura sang CA Special First Division sa petisyon ni Mabilog.
Sala suno sa CA ang gin-gamit sang kampo ni Mabilog nga probisyon sang Rules of Court sa petisyon sini.
Gin-gamit sang kampo ni Mabilog ang Rule 65 sang Rules of Court nga gina-gamit sa pagkuwestyon sa mga mandu sang lower court kag sang gobyerno sa Supreme Court.
Dapat kuntani suno sa Court of Appeals nga ang Rule 43 nga nagasiling nga ang mga desisyon sang Ombudsman sa administrative cases ang mahimo kuwestyunon sa CA, amu ang gin-gamit sang kampo ni Mabilog.
Si Mabilog ang ginpapanaugan sang dismissal order sang nagligad nga Oktubre 6 matapos mapamatud-an nga guilty sa kaso nga serious dishonesty bangud sa kapaslawan nga mabutang sa iya Statement of Assets, Liabilities and Net Worth (SALN) ang manggad sini.
Si Mabilog ang isa sa mga alkalde nga ginhingadlan ni Presidente Rodrigo Duterte nga protektor sang illegal drugs.