Pinal na nga ginbasura sang Commission on Audit (COA) ang apela ni Vice President Sara Duterte kaangot sa ₱73.287 milyon nga confidential expenses sang Office of the Vice President (OVP).
Ini matapos ginpabakod sang audit body nga irregular kag illegal ang mga ginkuwestiyon nga transaksyon.
Sa resolusyon nga may petsa nga Oktubre 5, 2026, ginsiling sang COA nga “completely unsubstantiated” ang ₱69.787 milyon nga ginapahayag nga gin-gasto sang OVP bilang reward sa mga informants.
Suno sa COA, wala sang bastante nga pamatuod nga ang mga kwalipikado nga informants nga indi staff sang OVP ang naghatag sang impormasyon nga nagresulta sa aktuwal nga operational success.
Ginapasabat man sang audit body sang personal si Duterte kag duwa ka opisyal sang OVP sa mga disallowed expenses.
Suno sa COA, kalakip si Duterte sa mga nag-apruba sang mga transaksyon, kalakip ang paggamit sang cash advance.
