ILOILO CITY – Apisar may total vision loss kay may partial hearing impairment, wala ini nangin sablag agud matuman ang handom sang isa ka person with disability (PWD), agud mangin isa ka manunudlo.
Ini amo si Khnuelvirn Hautea sang La Paz, Iloilo City.
Sa interview sang Bombo Radyo kay Hautea, iya ginpahayag nga sang tuig 2004, gin-diagnose siya nga may tumor sa utok kag sang 2005, gin-operahan siya.
Suno kay Hautea, antes siya gin-operahan, naapektuhan na sang tumor ang iya panan-awan.
Sang 2011, nagbalik ang iya tumor kag liwat ini nga gin-operahan tubtob nag-ayo na ini.
Sa pihak sini, ginpadayon sa gihapon ni Hautea ang iya handom nga maka-eskwela tubtob nakatapos sang kolehiyo sa Central Philippine University sa kurso nga Bachelor of Secondary Education major in Special Needs Education.
Sa subong, nagatudlo na si Haute sa Iloilo National High School.
May yara naman ini sang asawa sa diin nangin classmate man niya sadto sa kolehiyo.
