ILOILO CITY- May isa ka apo sa China nga ginbutigan ang iya kaugalingon nga lola sa sulod sang 13 ka tuig.
Yari ang istorya sang apo nga si Jing.
Si Jing ang kaangay sang kalabanan sa aton nga palangga gid ang lola.
2003 sang napatay ang iloy ni Jing nga si Cheng Congrong nga anak sang iya lola.
Antes napatay ang nanay ni Jing bangud sa balatian nga cancer, nagrecord sila sang iya tingog nga kaangay nga ginaistorya ang iya lola.
Kag sang napatay si Cheng, wala nila ini ginsugid sa iya lola bangud amo ini ang wish ni Cheng.
Ang ila ginhimo, gina-play nila ini nga voice message kag ginapabati sa iya lola sa kada tion nga nagaistorya sila sa telepono, apang sang tion nga narealisar nila nga posible nga manotaran ini sang lola, naghire siya sang babaye nga pareho ang tingog sa iya iloy agud mag-istorya sa iya lola sa telepono.
Ila ginhimo sa sulod sang 13 ka tuig ini nga pagbinutig kag napapati ang iya lola nga buhi pa si Cheng.
Sang damlag lang, napatay ang iya lola sa edad nga 100 kag diri niya ginbuyagyag ang ila ginhimo nga nagtandog sa balatyagon sang mga tawo.
Suno kay Jing, mas ginpili niya ang pagbutig para sa kaayuhan sang iya lola nga indi ini magkalisod sa iya nabilin nga mga tinuig sa kalibutan.
