Apo ni anay Mayor Neptali Salcedo, isa sa mga napatay sang ginserbe ang search warrant sa Sara, Iloilo

ILOILO CITY–Patay ang apo ni anay Sara Mayor Neptali Salcedo matapos ang operasyon nga ginhiwat sang mga otoridad may kaangtanan sa search warrant nga ginserbe sa balay sang anay alkalde.
Ini matapos nga ginapahayag nagbato man si Nixon “TJ” Salcedo sa mga otoridad.
Sa interview sang Bombo Radyo kay Barangay Kagawad Cara Ikli sang Barangay Poblacion Ilaya, Sara, Iloilo, iya ginpahayag nga si  TJ ang bata ni Nickson Salcedo Sr. nga naga-istar sa Lemery, Iloilo.
Suno Barangay Kagawad, masami nga nagabisita si TJ sa iya nga lolo kag lola nga sanday anay Mayor  Neptali Salcedo kag incumbent Sara Mayor Ermelita Salcedo.
Nahibalu-an nga ginkustodiya sang Police Regional Office (PRO) 6 si Mayor Salcedo matapos nakuhaan sang mga de-kalibre nga armas sa master’s bedroom sa ila nga balay.