Ginbawian gid sang kabuhi ang walo ka tuig nga bata nga babaye samtang pilason ang lola sini matapos mabunggan sang police patrol car ang ila ginasakyan nga motorsiklo.
Natabo ang insidente sa highway sang Zone 4, Koronadal City, South Cotabato.
Ang napatay nga bata amo si alyas ” Mia” samtang ang pilason amo si Meriam Antiquera, 51-anyos.
Ang nagamaneho sang patrol vehicle amo si Corporal Elton John Javien Rombawa, 30-anyos, kag assigned sa 1st Sultan Kudarat Provincial Mobile Force Company.
Naggwa sa imbestigasyon nga may natabo nga “beating the red light” sa bahin sang patrol car nga nagapanguna sa isa ka convoy sang natabo ang aksidente.
Bangud sa impact sang bunggo, nagtalabog gid ang maglola.
Gindala pa ang mga ini sa ospital apang wala gid matabangan ang apo bangud sa naangkon nga dako nga pilas sa ulo.
Yara naman sa kustodiya sang otoridad si Rombawa.
