ILOILO– Indi na madayon ang application for quarry permit sang ginluthang-patay nga quarry operator nga si Conrado “Boy” Almarza III.
Sa interview sang Bombo Radyo kay Atty. Arturo Cangrejo, Officer-In-Charge sang Provincial Environment and Natural Resources Office, iya ginpahayag nga ang nasambit nga permit ang indi na mahimo nga iproseso sang malapit nga himata ni Almarza.
Suno kay Cangrejo, kun luyag sang himata ni Almarza nga padayunon ang application sang permit, magapasa sila liwat sang mga dokumento kag maumpisa sa puno.
Ini bangud nga ang permit ang wala na transfer ukon nasaylo sa pangalan sang tiayon ukon malapit nga himata sang biktima.
Magluwas diri, wala pa naaprobahan ang application sang permit.
Nahibaluan nga una na nga nag-apply si Almarza sang quarry permit apang ini ang wala nadayun ukon gin-cancel bangud nga may yara sang nagapamalabag.
Magapatigayon pa kun tani subong nga adlaw sang pagsinapol ang Provincial Environment and Natural Resources Office kaupod si Almarza kag ang nagpamatok sa quarry operation apang ginpatay ang biktima kahapon sang aga.
