ILOILO– Napasa na ang application para sa renewal sang prangkisa sang Panay Electric Company.
Sa interview sang Bombo Radyo kay Mr. Marcelo Cacho, Administrative Manager sang Panay Electric Company, iya ginpahayag nga sang Agosto 22 pa napasa sa Committee on Legislative Franchises sa Kamara ang application sang franchise renewal.
Suno kay Cacho, ginahanda pa sa subong ang tanan nga rikisitos agud makapatigayon sang hearing.
Ang principal author sang house bill para sa nasambit nga application amo si Abang-Lingkod Partylist Representative Josep Stephen Paduano kag padayon pa nga nagapangita sang co-authors.
Ginpahayag ni Cacho nga pagkatapos sang isa ukon duha ka semana, maumpisahan ang pagpatigayon sang hearing para sa franchise renewal.
