Nagnubo ang application sang mga Ilonggo nga may tuyo magparehistro sa Western Visayas subong nga 2024 kon ikumpara sa nagligad nga mga tinuig.
Sa interview sang Bombo Radyo kay Atty. Dennis Ausan, Regional Director sang Commission on Election (COMELEC) Region 6, iya ginpahayag nga sang 2023, may yara sang 6,944,127 nga mga rehistrado nga botante sa Western Visayas.
Suno kay Ausan, ang mga aplikante subong ang indi pa matumod kon maaprubahan ukon indi bangud magaagi pa ini sa maid-id nga proseso sang talatapan.
Gin-athag man sini nga yara pa lang sa masobra 200,000 ang nagpasa sang ila application agud mangin registered voters sa Region 6 para sa 2025 midterm elections.
Gintumod man sang natungdan nga isa sa factor sang pagnubo sang datus amo ang pagseparar sang Negros Occidental sa Region 6.
Ginalauman naman sang COMELEC nga magalab-ot lamang sa 3 million ang kabug-usan nga registered voters sa rehiyon para sa palaabuton nga eleksyon.
