ILOILO CITY – Tuman ang pagpasalamat sang pumuluyo sang banwa sang Pavia, Iloilo bangud nga nasolbar na ang problema sa pagbaha sa approach sang Ungka flyover.
Sa interview sang Bombo Radyo kay Sangguniang Bayan Member Jose Maria “Pyt” Trimañez nga amo man ang chairman sang Committee on Transportation, iya ginpahayag nga gamay na lamang nga pagdanaw ang na-eksperyensyahan sa tion nga magbubo ang madamol nga ulan.
Suno kay Trimañez, nangin epektibo ang ginpatukod nga duha ka dako nga mga inlets sa kilid sang dalan sa atubang sang bottling company kag sa atubang sang isa ka mall.
Nagpasalamat naman ini sa Department of Public Works and Highways Region VI.
