Archbishop Billones, ginaagda ang tanan nga magdonar sang dugo sa Dugong Bombo 2025

Naghatag sang statement of support ang Archdiocese of Jaro sa “Dugong Bombo 2025: A Little Pain… A Life to Gain” sang Bombo Radyo Philippines.

Sa sulat ni Most Rev. Midyphil B. Billones, D.D., Metropolitan Archbishop of Jaro, iya gin-engganyo ang mga parokya, religious communities kag mga tumuluo nga sakop sang Archdiocese of Jaro nga magsuporta kag magpartisipar sa sini nga inisyatibo.

Antes sini, gin-endorso man ni Catholic Bishops’ Conference of the Philippines (CBCP) President Pablo Virgilio S. Cardinal David, Bishop of Kalookan, ang Dugong Bombo.

Gin-engganyo sini ang mga diocese, mga parokya, kag mga Katoliko nga institusyon sa bilog nga Pilipinas nga suportahan ini nga nationwide bloodletting activity.

Sa interview sang Bombo Radyo kay Archbishop Billones, iya ginpahayag nga narealisar niya kun ano ka importante ang dugo sang ginkinahangan nga tughungan sadto ang iya iloy.

Suno sa arsobispo, bangud sa isa ka volunteer nga nagdonar sang dugo, nasugpunan ang kabuhi sang iya iloy.

Ini ang rason kun nga suportado gid niya ini nga hilikuton sang Bombo Radyo Philippines, kaupod ang Philippine Red Cross kag ang Bombo Radyo Philippines Foundation Inc.

Hiwaton ini sa 𝗡𝗼𝗯𝘆𝗲𝗺𝗯𝗿𝗲 𝟭𝟱 (𝗦𝗮𝗯𝗮𝗱𝗼) dululungan sa 25 key cities sa bilog nga pungsod kun sa diin naga-operate ang 32 ka fully-digitalized AM kag FM stations sang network.

Sa area sang Iloilo, hiwaton ang Dugong Bombo sa 𝗜𝗹𝗼𝗶𝗹𝗼 𝗦𝗰𝗶𝗲𝗻𝗰𝗲 𝗮𝗻𝗱 𝗧𝗲𝗰𝗵𝗻𝗼𝗹𝗼𝗴𝘆 𝗨𝗻𝗶𝘃𝗲𝗿𝘀𝗶𝘁𝘆 (𝗜𝗦𝗔𝗧-𝗨) sa La Paz, Iloilo City umpisa alas syete sang aga.