Nagpositibo sa COVID-19 ang Archbishop sang Archdiocese of Jaro nga si Most Reverend Jose Romeo Lazo, D.D.
Sa interview sang Bombo Radyo kay Father Angelo Colada, director sang Commission on Social Communications sang Archdiocese of Jaro, iya ginpahayag nga nakitaan sang mild symptoms sang COVID-19 si Archbishop Lazo apang yara naman sa estable ang kondisyon sini matapos gin-admit sa isa ka ospital sa syudad sang Iloilo.
Suno kay Colada, 14 ang natumod nga close contact sang arsobispo kag kumpirmado nga nalatnan sang virus ang driver sini.
Sa subong naka-lockdown ang archbishop’s residence agud ipatigayon ang disinfection.
Nahibaluan nga fully-vaccinated na batok sa COVID-19 si Archbishop Lazo.
