Ginakondenar sang Archdiocese of Jaro ang ginbuhat nga ginaalegar pag-dupla sang babayi nga vlogger sa holy water font sa San Juan Bautista Parish Church sa Jimenez, Misamis Occidental.
Sa interview sang Bombo Radyo kay Fr. Angelo Colada, Social Communications Director sang Archdiocese of Jaro, iya ginpahayag nga sa ini isa ka pahanumdom nga dapat hatagan sang balor kag respetuhon ang mga kagamitan sa simbahan kag tandan nga ini ang may canonical implication.
Pahayag niya nga samtang sirado ang simbahan, indi lang ang natungdan nga vlogger kundi pati ang mga parokyano ang mahiwat sa holy hour of adoration, confession, kag iban pa nga buluhaton sang repentance.
Dugang pa ni Fr. Colada nga ara sa gihapon ang pagpatawad apang ginatan-aw nga maathagan ang vlogger sa iya gin-ubra kag pag-ako sang iya nga sala.
Samtang, suno kay Ozamis Archbishop Most Rev. Martin Sarmiento Jumoad, ang pagpasirado ang simbahan ang naga-simbolo sang “penance kag reparation”.
Liwat nga maga-bukas ang Baroque-style nga simbahan suno sa Arsobispo kun matapos na patigayunon nga pastoral assessment.
Holy Hour of Adoration and Solemn Confessions ‘las 3 sang hapon sang Agosto 7 agud magpangayo sang kapatawaran kag mabalik ang pagkabanal sang amo nga simbahan.
By: Bombo Phauline Pillora
