Kadungan sang selebrasyon sang 75th Diamond Jubilee of the Archdiocese of Jaro, nagapang-agda sa publiko ang Archdiocese of Jaro, Commission on Social Communications nga suportahan kag lantawon ang 16 tanan ka mga entries sang nagkalain-lain nga Parokya sa 6th Jaro Archdiocesan Film Festival.
Sa interview sang Bombo Radyo kay Louie Estrella Macayan, iya ginpahayag nga pwede na nga maumpisahan nga malantaw ang mga short film nga ginpangabudlayan nga obrahon sang mga nagkalain-lain nga Parokya kun sa diin may ara ini sang madalom nga mga ginpanghalinan nga estorya.
Suno pa sa iya nga ini nga inisyatibo sang Archdiocese of Jaro nagapang-agda nga mangin kabahin ang isa ka indibidwal sa pag-upod sang misyon ni Kristo.
Nag-umpisa na subong nga adlaw Hunyo 21, ang ila film streaming.
Mahimo mo nga mabisita ang Archdiocese of Jaro, Commission on Social Communications sa ila Facebook page agud malantaw mo ini nga 16 tanan ka mga short films.
