ILOILO CITY – Padayon pa nga ginapangita sang Arevalo PNP ang suspek nga nagpatay-buno sa isa ka construction worker sa Brgy. Calaparan, Arevalo.
Ang biktima amo si Roger Utuan Jr. sang amo nga barangay.
Sa interview sang Bombo Radyo kay PMaj. Chen Tañagras, hepe sang Arevalo Police Station, iya ginpahayag nga pilas sa likod nga naglapos sa dughan ang naagum sang biktima.
Suno kay Tañagras, nagikan sa birthday party ang biktima kag pasado las-11 sang naggwa sa bahin sang baybay.
Pahayag dugang ni Tañagras, may yara sang isa ka witness nga nakakita ngay may nagapukutay kag gilayon nga nagpangayo sang bulig sa mga barangay tanod.
Pagresponde sang mga tanod, didto na kag nakita ang nagahuray-ad nga lawas sang biktima.
Ginalantaw sang Arevalo PNP nga tripping ang motibo sang krimen kag padayon pa nga ginahibalo ang identity sang suspek.
