Temporaryo nga ginsirado ang Arevalo Police Station matapos nadugangan ang mga nagpositibo sa COVID-19 sang 13 ka mga police personnel.
Sa interview sang Bombo Radyo kay Police Captain Chen Taรฑagras, hepe sang Arevalo Police Station, iya ginpahayag nga ginpaidalom na sa istrikto nga quarantine ang 13 ka police personnel sa diin ang isa ang gin-admit sa ospital.
Ang 13 ka personnel nga positibo sa COVID-19, ang kabahin sang contact tracing.
Suno kay Taรฑagras, bangud sini, patigayunon ang total disinfection sa ila nga estasyon.
Dugang pa niya, padayon man ang ila trabaho sa diin sa gwa lamang sang ila estasyon ginacater ang mga indibidwal nga may yara sang importante nga transaksyon.
Nagpadala naman ang Iloilo City Police Office sang pila ka mga police personnel nga maga-augment sa trabaho sang mga nagpositibo sa COVID-19.
Nahibaluan nga napun-an sang kontrobersiya ang Arevalo Police Station matapos ginbawian sang kabuhi ang isa ka police personnel nga ginapahayag naglain ang pamatyag isa ka adlaw matapos nagpabakuna batok sa COVID-19.
