Ginakalangkagan kun ano ayhan ang mangin sorpresa sang American singer-songwriter nga si Ariana Grande sa iya fans!
Ginabati-bati nga maga-release ini sang bag-o nga music ukon sang iya ika-pito na nga album bangud sang behind-the-scene pictures nga ginpaguwa sini sa isa ka recording studio.
Ang ulihi nga appearance ni Ariana amo pa ang 2020 album nga “Positions” apang may special nga performance man ini sa remix sang “Die for You” sang The Weeknd nga ginpaguwa sang Pebrero.
Popular si Ariana bangud sa iya hit pop songs nga “pov,” “thank u, next” “Dangerous Woman,” “One Last Time,” kag madamo nga iban pa.
May break ini sa music bangud starring man ini sa film adaptation sang musical nga “Wicked,” kun sa diin iya gindala ang papel ni Glinda, “The Good Witch.”
