Ginpakilala sang Miss Universe Philippines organization ang bag-o sini nga national director nga si Ariella Arida.
Natabo ang announcement kadungan sang press presentation sang 69 ka mga kandidata sa subong nga tuig.
Pahayag sang beauty queen, nakahibalo siya kun ano ka daku ang iya bag-o nga responsibilidad, apang gindugang sini nga halin pa lang sa umpisa, nagalantaw na siya, naka-istorya sa mga kandidata, kag involved na sa mga aktibidad sang pageant.
“I know this is a big shoe to fill in, but not everyone knows that even from the start, on how Miss Universe Philippines started, I was there looking at them. I still get to talk with them. So I’m still involved on what’s happening, and I supported them from the very start,” pahayag sini.
Siya ang nagtiglawas sang Pilipinas sa Miss Universe 2013 kag nangin third runner-up.
Sa presentasyon sang mga kandidata sa Makati kahapon, napuno ang venue sang mga indibidwal halin sa Filipino pageant community, media, MUPH team, kag queens kaangay kanday Miss Universe 2011 3rd runner up Shamcey Supsup, Miss Universe Asia 2024 Chelsea Manalo kag Miss Universe Philippines 2022 Celeste Cortesi.
Exciting ang kumpetisyon subong nga tuig nga kumbinasyon sang bag-o nga mga nawong kag beterana na sa pageant stage.
Lakip sa titleholders nga maga-compete amo sanday Yllana Marie Aduana, Teresita Ssen “Winwyn” Marquez, kag Ma. Ahtisa Manalo, Chelsea Fernandez, Chanel Olive Thomas, Katrina Llegado, kag iban pa.
Si 2019 Miss Philippines-Ecotourism Karen Nicole Piccio amo naman ang magatiglawas sang Iloilo City.
Ang koronahan nga kandidata amo ang magadala sang pangalan sang Pilipinas sa global stage sa Thailand sa Nobyembre. Ulihi nga nag-host ang Bangkok sang 2018 kun sa diin nakuha sang Filipina beauty queen nga si Catriona Gray ang titulo.
