Ginsabat sang Filipino singer nga si Arnel Pineda nga frontman sang American rock band nga The Journey ang mga kritisismo batok sa iya may kaangtanan sa performance sini sa Rock in Rio sa Brazil sang weekend.
Sa iya social media accounts, ginpasalamatan niya ang mga fans nga naglantaw sang show.
Apang gin-ako man sini nga dismayado siya sa iya pagperform sang kanta nga “Don’t Stop Believin'” bangud nga madamo nga beses ini naglibag kag halos indi niya malab-ot ang mataas nga tono.
Suno sa, ginaagwanta niya subong ang mental kag emosyonal nga epekto sa iya sang madamo nga kritisismo.
May nagsiling pa nga mag-resign na lang ini sa banda.
Sa pihak sini, madamo naman ang todo-suporta gihapon sa iya kag nagpahayag nga indi nalang pagsapakon ang iya bashers.
Si Pineda ang nangin kabahin sang Journey sa sulod na sang 17 ka tuig matapos ginbuslan ang original vocalist nga si Steve Perry.
Ini nga banda ang sa likod sang hits nga “Open Arms,” Faithfully,” kag “Don’t Stop Believin.'”
