ILOILO CITY – Ginsabat ni House Speaker Pantaleon Alvarez ang panghangkat sang kampo ni Chief Justice Maria Lourdes Sereno nga ipasaka na sa Senado ang impeachment complaint batok sa Chief Justice.
Sa interview sang Bombo Radyo Iloilo, ginpahayag ni Alvarez nga dapat maghulat si Sereno.
Suno kay Alvarez, indi dapat pagdiktahan sang Chief Justice ang Kamara ilabi na nga wala man ini nagatambong sa mga hearing sang House Justice Committee.
Nagapati si Alvarez nga luyag lang ni Sereno ipasaka ang impeachment complaint sa Senado bangud sa pagpati sini makakuha ini sang suporta sa mataas nga panalgan sang Kongreso.
Ginpasiguro naman ni Alvarez nga sa Marso, antes ang break sang Kongreso, masumite na sa Senado ang impeachment case.
Nasuguran na suno kay Alvarez ang pagdihon sang Articles of Impeachment.