Nagboto ang Senado, nga nagapungko bilang impeachment court, nga ibalik sa House of Representatives ang mga articles of impeachment batok kay Bise Presidente Sara Duterte, kag wala gin-dismiss ukon gin-terminate ang kaso.
Gin-aprubahan ang mosyon sa boto nga 18 ang pabor, lima ang kontra, kag wala sang abstensyon.
Ini nga desisyon ang kasunod sa mosyon ni Sen. Bato Dela Rosa nga ibasura ang impeachment batok kay VP Sara Duterte.
Yari pamatian naton ang panawagan ni Bato.
Matapos ang malawig nga deliberasyon sa impeachment court, nagdesisyon ang mga senador-judges nga i-remand ukon ibalik sa Kamara ang impeachment complaint batuk kay Vice President Sara Duterte.
Ini ang gin-motion ni Senator Alan Peter Cayetano.
Samtang, yari naman listahan sang mga senador-judges nga nagpamatok sa pagbalik sang impeachment sa kamara.
- Senate Minority Leader Koko Pimentel
- Senador Risa Hontiveros
- Senador Nancy Binay
- Senador Grace Poe
- Senador Sherwin Gatchalian
Kag yari man ang nagpabor sa pagbalik sang nasambit nga articles of impeachment sa Kamara.
Senate President Chiz Escudero
Sen. Bato Dela Rosa
Sen. Robin Padilla
Sen. Christopher Lawrence “Bong” Go
Senate Majority Leader Francis Tolentino
Sen. Imee Marcos
Sen. Cynthia Villar
Sen. Mark Villar
Senate President Pro Tempore Jinggoy Estrada
Sen. JV Ejercito, Sen. Ramon Revilla Jr.
Sen. Joel Villanueva
Sen. Lito Lapid
Sen. Alan Peter Cayetano
Sen. Pia Cayetano
Sen. Loren Legarda
Sen. Raffy Tulfo
Sen. Juan Miguel Zubiri
Sa pihak nga bahin, nag-isyu ang Senado nga nagaserbe nga impeachment court sang writ of summons kay Vice President Sara Duterte.
Ginamanduan si VP Duterte nga magsumiter sang iya sabat sa sulod sang non-extensible period nga 10 ka adlaw halin sa pagbaton niya sang summon.
Ini para makasabat ang Kamara sa sulod naman sang lima ka adlaw.
Kaangot sini, indi na pagpadayunon ang presentasyon sang House prosecutors sa articles of impeachment subong nga adlaw, nga suno kay Senate President kag Presiding Judge Francis Escudero, ‘rendered moot’ na ini bangud nag-convene na ang Senado, kag nag-isyu na sang summon sa bise presidente.
