Ginakabig nga isa ka dako nga pagpanghangkat sa mga manunudlo kag estudyante ang Artificial Intelligence (AI) sa subong nga modern nga henerasyon.
Sa interview sang Bombo Radyo kay Dr. Louie Cervantes, Chief Information Officer sang West Visayas State University (WVSU), iya ginpahayag nga indi bastante nga mangin technical lang ang paghanas sang mga estudyante.
Suno kay Cervantes, kinahanglan nga matudluan ang mga manunudlo kag estudyante kung paano mag-uisa sang madalom nga mga pamangkoy, mag-research kag magdugang sang kaugalingon nga ideya sa mga output halin sa AI.
Ginpahayag sini nga sa baylo nga magkumpetensya sa teknolohiya, nagakadapat nga gamiton ang AI agud mas mangin creative kag critical sa pagsolbar sang mga issue.
Gindugang pa sang natungdan nga ang future sang edukasyon ang nakabase sa ikasarang ang isa ka indibidwal sa paggamit kag paglampas sa limitasyon sang teknolohiya.
Lauman man suno kay Cervantes ang pag-upod sang AI kag edukasyon sa masunod nga mga tinuig, sa diin nagakadapat nga indi sa gihapon madula ang human creativity kag originality sa paghanas sang masunod nga henerasyon.
