Artificial white sand nga gintampok sa Manila Bay kag ‘good sa mental health’, nag-give up na?

Wala pa natapos ang dolomite beach project sa Manila Bay gani tuman pa ka temprano nga ipahayag nga nagaka-wash out gid man ukon nagakaanod ang artificial white sand.

Ini ang pahayag ni Environment Undersecretary Jonas Leones kasunod sang statement sang civil society organization nga Oceana Philippines nga nage-erode na ang dolomite sand.Suno kay Leones, may ibutang pa nga “geotubes” sa lugar agud nga indi maanod ang artificial sand.

“We have put in place ‘yong mga geotubes to ensure na ‘di mawa-wash out ‘yong mga dolomite. Siguro too early to say na nag-wash out na siya,” pahayag ni Leones.

Santo sa report sang Oceana Philippines sang Abril, halin sang Disyembre 2020 tubtob Pebrero subong nga tuig, ‘at least 300 square meters’ na ang nag-erode sa dolomite beach rason nga padayon ang pag-refill kag pag-extend pa sang proyekto.

Sabat naman sang DENR, normal lang nga naga-erode ang sand sa dagat. “Even in ordinary beaches talaga namang nage-erode nang kaunti so ‘yon nga ‘yong mine-maintain sa beaches, ‘yong coastal resorts natin, ‘yan ‘yong ginagawa natin,” pahayag sang natungdan.

Ginpaathag pa ni Leones nga ginahulat pa ang rainy season agud mahibaluan kun epektibo gid man ang geotubes agud malikawan ang ‘normal lang’ nga erosion.

“Gusto natin mag-rainy season na dahil para once and for all we can see and evaluate kung talagang effective ‘yong ating beach nourishment. Pinag-aralan namin yan and we are confident na kahit bagyuhin ‘yan, kahit anong ulan man, nandiyan pa rin ‘yong beach nourishment,” pahayag pa ni Leones.

Sa Hunyo ukon Hulyo ginalauman nga matapos ang beach nourishment project.

Una na nga ginlaslasan sang mga kritiko ang gasto sang national government sa beautification sang Manila Bay paagi sa white sand ukon dolomite project apang nangin hugot naman ang panindugan sang Malacañang nga makahatag ini sang ‘peace of mind’ kag maayo para sa mental health sang publiko.