Asawa, ginkasuhan ang bana bangud “Chubby” ang ginbutang nga pangalan sini sa iya phonebook

Ginkasuhan sang isa ka asawa ang iya bana kag ginpabayad pa.

Ini matapos nakit-an sang babaye nga “Chubby” ang pangalan sini sa cellphone sang lalaki.

Bangud sini, nagdangop ang asawa sa korte kag ang resulta, ginmanduan ang bana nga magbayad sang material kag moral damages.

Ini nga isyu sang mag-asawa nagtuhaw kadungan sang court proceedings sa ila nga divorce kun sa diin gin-claim sang babaye nga ang nickname niya sa phonebook sang bana ang “degrading” kag “damaging” sa ila marital relationship.