Patay ang isa ka asawa matapos ginlampusan sang matig-a nga bagay sa ulo kag ginkuga sa sulod sang simbahan sang San Fernando Rey sa Brgy. Poblacion, Liloan, Cebu.
Ang biktima amo si alyas Estela, 44-anyos samtang ang suspek amo si alyas Ronie.
Base sa impormasyon, nagsulod sa simbahan ang babaye matapos ang misa kaupod ang isa ka lalaki.
Makaligad ang pila ka ginutlo, may nabatian nga komosyon kag singgit sang babaye sa sulod sang simbahan.
Wala nagdugay, may lalaki nga madasig nga naggwa sa simbahan kag nagpalagyo.
Sa pag-check sa kuha sang CCTV, didto nakit-an ang ginhimo sang bana sa iya asawa.
Nahibaluan nga bag-o lang nakagwa ang suspek sa presohan matapos nga ginpangatubang ang kaso nga paglapas sa Violence Against Women and Children’s Act nga ginpasaka sang biktima.
Bangod man sa krimen sa sulod sang simbahan, ginsirado anay ini sang temporaryo.
Padayon pa nga ginapangita ang suspek.
