SAN JOSE, ANTIQUE- Patay ang asawa matapos aksidente nga natiruhan sang iya bana sa San Jose, Antique.
Suno kay Police Lt. Col. Mark Darroca, hepe sang San Jose Municipal Police Station, hubog nga nagpauli ang bana sang natabo ang insidente.
Ginpahayag ni Darroca nga nagpalupok sang armas-luthang ang bana rason nga nagguwa sa ila balay ang tiayon.
Nagaguwa sa imbestigasyon nga ginsundan sang tiayon ang bana nga nagpadulong sa tiyangge samtang may dala nga armas-luthang.
Gin-agaw sang tiayon ang armas-luthang apang akisidente nga naglupok kag naigo ang biktima sa wala nga ilok.
Ginbawi-an sang kabuhi ang biktima samtang natalana naman nga pasakaan sang nagakaigo nga kaso ang bana.
