ILOILO CITY- Patay ang isa ka asawa matapos ginluthang sang iya bana bag-o sini ginluthang man ang iya kaugalingon.
Natabo ini sa Brgy. Amerang, Cabatuan, Iloilo.
Ang asawa amo si alyas Rhoda,47 samtang ang bana amo si alyas Niel, 54.
Naggwa sa imbestigasyon nga sang nag-abot ang bana sa ila balay pasado la-una sang kaagahon, naggabot ini sang iya armas kag gintiro
ang iya asawa sang tatlo ka beses.
Ginpahayag nga matapos ang pagtiro sa asawa, nagpadulong sa dalan ang bana kag didto ginluthang ang iya kaugalingon.
Igo sa nawong, tuhod kag dughan ang naangkon sang babaye samtang igo sa ulo ang naangkon sang lalaki.
Padayon pa ang imbestigasyon sa insidente.
