ILOILO CITY– Gin-athag sang asawa sang 33-anyos nga lalaki nga nagbitay sa Sitio Cawayanan, Tabuc Suba, La Paz, Iloilo City nga wala niya ini ginbulagan.
Sa interview sang Bombo Radyo kay Maribel Pacardo, asawa ni Ramil Oro, iya ginpahayag nga nagbiya ini sa ila puluy-an sang nagligad nga semana dala ang ila kabataan.
Suno kay Maribel, luyag lamang niya nga makalikaw sa pagpangastigo sang iya bana sa kada tion nga mahubog ini.
Ginpahayag niya nga wala siya naglaum nga mahimo sang iya bana ang paghikog bangud ginakamusta man niya ini kag kaangay nga maayo man ang panimuot sang iya bana.
Nahibaluan nga nasapwan nalang nga nagabitin ang biktima kag may higot nga cable wire sa liog nga nagaangot sa balayan sang ila balay.
Pagkadesperado kag problema sa pamilya ang ginapatihan kabangdanan sang iya pagpanginmatay.
