Nabutang sa ital-ital ang tiyansa sang Pilipinas nga makasulod sa knockout stage sang Asean Cup matapos nagtakop sa 1-1 draw ang hampang sini batok sa Vietnam sa Rizal Memorial Stadium.
Nabuhian kuntani sang paglaum ang men’s football team sang napasulod ni Jarvey Gayoso ang una nga goal sa 68th minute sang hampang, apang wala nagdugay ang selebrasyon bangud nakasapar ang Vietnam kag naka-goal sang equalizer sa ika-98 nga minuto sang hampang.
Ini na ang pangatlo nga draw sang Philippine team sa sini nga tournament.
Bangud sini, kinahanglan nga lutuson sang Pilipinas ang Indonesia sa Sabado, Disyembre 21.
Pang-apat subong ang mga Pinoy sa Group B nga may 3 points samtang nagapanguna naman ang Vietnam nga may 7 pts, ginasundan sang Indonesia kag Myanmar nga may tag-kuatro puntos, samtang pang-lima naman ang Laos nga may 2 points.
Kuwalipikado na subong ang Vietnam para sa semifinals. Ang top two teams lamang ang maka-abanse sa masunod nga round.
