ASEAN delegates, bilib sa Ilonggo food; game sa Samba

ILOILO CITY – Nagbilib sa mga pagkaon nga Ilonggo ang mga delegates sang Association of Southeast Asian Nations (ASEAN), sa welcome dinner nga ginhatag sa mga ini sang Iloilo City government.
Una nga naubos ang ginhanda nga native chicken barbecue, steamed oyster ukon talaba kag native nga lechon manok.
May yara man sang okoy, fried crablets kag dilis.
Indi madula ang mga assorted salad kaangay sang salted egg kag fruit salad; seafood valenciana, steamed pandan rice, pinangat nga isda kag fish fillet.
Para sa mga Muslim delegates sang ASEAN, naghanda man ang mga organizers sang Halal foods.
Pagkatapos sang welcome dinner, game nga nag-Samba ang mga delegates kaupod sang mga Samba dancers.