Pinagtibay ng Pilipinas ang liderato nito sa regional tourism cooperation sa pamamagitan ng 29th ASEAN Tourism Ministers’ Meeting sa Cebu, kung saan binigyang-diin ang unity, sustainability, at konkretong resulta sa paghubog ng hinaharap ng turismo sa Timog-Silangang Asya.
Ayon kay Tourism Secretary Christina Garcia Frasco, na nagsilbing chair ng pulong, mahalaga ang kapayapaan, kredibilidad, at shared responsibility sa pagpapaunlad ng ASEAN tourism, dahil ang pangyayari sa isang destinasyon ay nakaaapekto sa global image ng rehiyon.
Sa naturang pulong, pormal na tinanggap ang Timor-Leste bilang ika-11 miyembro ng ASEAN, na itinuturing na milestone sa pagpapalawak ng regional cooperation at pagpapalakas ng shared vision ng bloc.
Pinagtuunan ng pansin ng mga ministro ang ASEAN Tourism Sectoral Plan 2026–2030, na nakatuon sa kalidad, katatagan, sustainability, workforce development, at seamless travel sa pamamagitan ng mas matibay na cross-sector coordination, lalo na sa transportasyon.
Binigyang-diin din ni Frasco ang suporta sa ASEAN Mutual Recognition Arrangement on Tourism Professionals para mapanatili ang mataas na pamantayan, mapabuti ang serbisyo, at mapalakas ang tiwala sa mga bansa.
Binanggit din ang gastronomy tourism bilang mahalagang asset na sumusuporta sa kabuhayan habang pinapangalagaan ang kultura at identidad ng komunidad.
