Malapit na lang mangin available para sa commercial use sa Pilipinas ang bakuna batok sa African Swine Fever (ASF).
Suno sa Department of Agriculture, ang commercial trial para sa sini nga bakuna ang natalana nga aprubahan sang Food and Drug Administration (FDA) sa matapos ang duha ka semana.
Kun may yara na sang “go” signal, ginsiling sang DA nga magasunod na gilayon ang commercial distribution sang vaccine.
Magluwas sa ASF vaccination, igapatuman man sang DA ang mas istrikto nga border measures agud nga matapna ang aangay nga mga pamahog nga balatian sa sapat lakip na ang bird flu kag Q fever.
Ipaagi ini sang ahensya sa Cold Examination Facility for Agriculture (CEFA) nga isa ka sanitary phytosanitary inspection facility para sa imported animals, fish, plants, kag iban pa nga agricultural products.
Nahibaluan nga ginalantaw sang ahensya nga maka-operate na ang una naga CEFA sa Angat, Bulacan sa Enero 2025. Ang iban pa nga ginaplano nga CEFA sites ang nahamtang sa Subic, Manila, Davao, kag General Santos City.
