Ginpa-Bombo sang isa ka nagapanag-iya sang elf truck ang Asia Link Finance Corporation.
Sa interview sang Bombo Radyo kay Nonoy Asan, residente sang Barangay Botong, Oton, Iloilo, iya ginpahayag nga ginprenda niya ang iya nga salakyan sang nag-umpisa ang COVID-19 pandemic sa isa ka finance corporation sa diin, na-delay siya sang bayad sang tatlo ka bulan.
Apisar sini, nagsalig na lamang si Hans nga magawad man niya sa gihapon ang iya salakyan sa diin sa 2022 pa ang maturity date sini kag may ginatipon na siya nga kwarta.
Suno kay Hans, natabuan nga wala siya sa ila nga balay sang may nagpadulong nga collector sang Asia Link Finance Corporation kag ginpapirma ang iya iloy sang dokumento.
Ginpahayag niya natuntuhan ang iya iloy sa diin ginpapati ini nga turn-over agreement ang ginpirmahan sini nga nagapasalig sa ila nga gawadon na lamang nila ang ila salakyan kun may yara na sila sang ikasarang.
Dugang pa niya, gawadon na kuntani niya ang iya elf truck sang natukiban niya nga may nagbakal na diri.
Tuman ang kadismaya sang natungdan bangud may sentimental value ang amo nga salakyan sa diin ginagamit man niya ini sa negosyo.
