Ginpasugurado sang Task Force Anti-squatting and Illegal Structure Unit nga naubos na pangkakas ang mga tarpaulins ukon visual materials sang mga kandidato nga yara sa judging area sang Dinagyang Festival 2025.
Ini kasunod man sang ginpaguwa nga Executive Order 167 ni Iloilo City Mayor Jerry Treñas.
Sa interview sang Bombo Radyo kay Love Joy Hosenilla,head sang Anti-squatting and Illegal Structure Unit, iya ginpahayag nga pribado man ukon pampubliko nga tarpaulins, indi ini makaluwas sa pagpangbaklas sang talatapan.
Suno kay Hosenilla, natigayon naman nga mahimos ang mga nakuha nila nga tarpaulins.
Gin-ako man sang natungdan nga dako nga pagpanghangkat sa ila nga bahin ang pagkakas sang mga visual materials sang national candidates.
Una na nga ginpahayag sang alkalde nga ang tikang ang isa ka paagi agud nga malikawan ang political colors sa Dinagyang Festival 2025.
Santo naman sa paragraph A, B, C, and D section 1 sang EO, ginabawal ang mga election materials kaangay sang printed kag visual materials nga may itsura kag pangalan sang mga kandidato.
