ILOILO CITY – Nagpasalig ang Anti-Squatting and Illegal Structures Unit nga kuhaon nila ang tanan nga illegal structures sa higad sang mga mayor nga dalan sa syudad nga nagaresulta sang pagpugok sang trapiko.
Sa interview sang Bombo Radyo kay Mr. Love Joy Hosenilla, pinuno sang Anti-Squatting and Illegal Structures Unit, iya ginpahayag nga may yara sang team nga iga-deploy sa mga merkado sa syudad agud nga magpasiguro nga wala na sang illegal structure nga magabalik.
Suno kay Hosenilla, ginalibot man nila ang lugar apang nagabalik sa gihapon ang mga pumuluyo nga salawayon.
Magluwas sa mga merkado, may i-deploy man nga mga personnel sa palibot sang syudad agud nga magpasiguro nga wala na sang obstruction sa mga dalanon.
Pahayag niya dugang, magapangdakop man sila sang mga salakyan nga naga-on-road parking.
