Nagtililipon ang grupo sang mga hubog agud i-protesta ang mataas nga presyo sang ilimnon sa Ghana.
Suno sa Ghana Drunkard Association nagpatigayon sila sang hublag sa syudad sang Accra agud hingyuon sa gobyerno nga pamatian ang ila sentimento kag hatagan sang solusyon ang nagataas nga presyo sang mga ilimnon.
Suno kay Moses Onyah nga presidente sang grupo, mabatyagan sang minilyon nila nga myembro ang 15 percent nga pagtaas sa presyo sang ilimnon.
Naghatag sang tatlo ka semana nga ultimatum ang grupo sa gobyerno nga masolusyunan ang isyu kag nagpanawagan sang bulig sang ila anay Presidente nga si John Dramani Mahama.
Apisar makahalam-ot, ang Ghana Drunkards Association (GDA) ang isa sa mga pinakakilala nga asosasyon sa Ghana, nga may kapin t 6.6 million members.
