ILOILO – Ginahulat pa ni Iloilo Gov. Arthur Defensor Jr. ang kabug-usan nga report gikan sa tagsa ka Municipal Social Welfare and Development Office sa Northern Iloilo agud mahibalu-an ang balor sang halit tuga sang bagyo Ursula.
Sa interview sang Bombo Radyo kay Gov. Defensor, iya ginpahayag nga sa subong, indi pa matumod ang balor sang halit sa imprastraktura kag agrikultura sa probinsya sang Iloilo.
Ginpahayag ni Gov. Defensor nga padayon ang pagpadala sang relief goods sa mga pumuluyo sa 5th District.
Magluwas sa Iloilo Provincial Government, nagapasalamat man ang gobernador sa private sektor kag indibidwal nga nagpalab-ot sang bulig para sa mga biktima sang bayo.
Ginapapasa man sang State of Calamity Declaration ang mga banwa nga lubos nga naapektuhan sang bagyo agud nga mahatagan sang dugang nga bulig.
