Magluwas sa Sinovac vaccine nga maabot subong nga adlaw, gin-anunsyar naman ni Presidential Spokesperson Atty. Harry Roque nga magaabot sa pungsod ang 525,600 doses sang AstraZeneca vaccine sa bwas, Marso 1.
Suno naman kay Sen. Christopher Bong Go, siya kaupod si Presidente Rodrigo Duterte ang nakahanda na nga magpabakuna.
Apang ginahulat lang nila ang desisyon sang doktor kun bala pwede sa edad sang Presidente kag sa iya mismo ikaayong lawas ang COVID-19 vaccine.
Paathag ni Go, indi nila ini paghimuon bangud prayoridad sila kundi ipakita sa publiko nga dapat magsalig ang mga Filipino sa bakuna.
Gintuad man sang senador nga mahimo sa masunod nga semana mapadala naman sa Visayas kag Mindanao ang mg COVID-19 vaccines.
