Nagpanugyan ang Inter-Agency Task Force on Emerging Infectious Diseases sa mga local government units nga kinahanglan ibutang sa quarantine facilities ang mga asymptomatic kag mild COVID-19 cases.
Suno kay Presidential Spokesman Atty. Harry Roque, base sa IATF Resolution No. 74, mandatory na ang pagbutang sa mga asymptomatic kag mild COVID-19 cases sa mga pasilidad magluwas sa mga pasyente nga ginakonsidera vulnerable ukon may mga comorbidities.
Isa pa ka exception kun ang Ligtas COVID-19 Centers sa rehiyon ang lunsay okupado na kag wala sang bastante nga isolation facilities ang local government unit.
Dugang pa sang natungdan, kun ipa-idalom ang pasyente sa home quarantine, nagakadapat man nga masunod sini ang insakto nga pagsulundan sang Department of Health kag Department of the Interior and Local Government Joint Administrative Order 2020-0001.
