Ginpasalig sang Ateneo de Zamboanga University nga nagakooperar ini sa mga otoridad sa padayon nga imbestigasyon sa makatulublag nga hitabo sa ila Junior High School campus subong nga adlaw, Agusto 18, kun sa diin duha ang patay lakip na ang shooter.
“The university is fully cooperating with law enforcement and the proper authorities as they continue their investigation,” suno kay University President Father Ernald Andal sa video message nga gin-post sa social media sang unibersidad.
“We know that there are many questions that all of us understandably want answered,” suno kay Father Andal. “We ask for your patience. We ask for your patience as the facts are carefully established.”
Suno pa sa iya, indi nila pag-unahan ukon pagpangunahan ang imbestigasyon sang mga otoridad.
“We do not want to preempt the results of the investigation. We must allow verified facts to guide us and avoid speculation that cause further pain to the families and the community,” dugang pa sang University official.
Ginpahayag man sang unibersidad nga nagapakig-angot sila sa mga pamilya sang apektado nga mga kabataan kag magahatag man sila sang bulig kaangay sang pastoral kag psychological support.
Padayon naman ang imbestigasyon sang mga otoridad agud mahibaluan ang bug-os nga detalye kag motibo sa likod sang amo nga school shooting nga natabo kaina sang aga.
Nauna na nagguwa sa reports nga ang alleged shooter nga isa ka Grade 9 student ang nagsulod sa eskwelahan nga may dala nga duha ka armas. Didto na kag nagpangluthang ini sa classroom nga ginkamatay sang isa ka Grade 10 student. Nagpanginmatay man ang alleged shooter kasunod sang amo nga insidente.
