Atensyon sa mga kaliwete!
Di bala kon kaisa mabudlay ang kabuhi sang isa ka left-handed ukon kaliwete nga tawo?
Halimbawa sa eskwelahan kon sa diin gindesinyo para sa mga righthanded ang kalabanan nga arm-chair.
Pero akuon ta, indi man gid tuman ka komplikado kon left-handed ka sa Pilipinas.
Pero kon didto ikaw sa iban nga pungsod,ang paggamit sang wala nga kamot ang ginalikawan.
Kaangay sa paggamit sang wala nga kamot kon ikaw ang nagakaon ukon iban nga aktibidad bangud ginakabig ini nga makailinsulto kag bastos.
Ang mga tawo sa sini nga mga pungsod ang nagagamit sang ila wala nga kamot sa pagtinlo sa mahigko nga mga butang gani ginakabig nga mahigko ang wala nga kamot.
Ini nga kustombre ang nagaeksister sa Middle East, India, Sri Lanka, kag pila ka parti sang Africa.
Gani kon ikaw ang makapadulong sa sini nga mga lugar, maghalong gid kag mas maayo nga maggamit ka sang tuo mo nga kamot kon ikaw ang nagapanamyaw, nagakambyo sang kwarta, nagadaho sang imo ginapamakal, kag siyempre sa pagkaon.
