Mahilig ka bala sa milk tea?
Aba, hinay-hinay lang sa pag-inom sang milk tea kag iban pa nga matam-is nga ilimnon bangud gina-guba sini ang imo nga ngipon.
Suno kay Stephen Almonte, isa ka dentista, iya ginpahayag nga ang tuman nga pag-inom sang mga ilimnon nga may madamo nga kalamay kaangay sang milk tea kag softdrinks ang nagaguba sang imo nga ngipon.
Pahayag niya, naga-produce sang acid ang milk tea nga amo ang nagabuho sang enamel.
Mas maayo pahayag sang dentista nga likawan ang mga ilimnon kag pagkaon nga may madamo nga kalamay sa diin 6 teaspoon lang sini ang kinahanglan ma consume sa lawas sang mga babaye kag 9 teaspoon naman sa mga lalaki.
Agud nga malikawan ang pagkaguba sang ngipon, dapat mag-toothbrush duha ka beses sa isa ka adlaw.
