Ang 2020 ang ginakabig nga indi maayo nga tuig para sa pagtulog.
Humalin sa COVID-19 pandemic tubtob sa mga obligasyon sa eskwelahan kag trabaho, makatulog ka pa ayhan sang insakto sa walo ka oras?
Isa sa factors nga makaapekto sa pagtulog amo ang imo mga ginakaon.
Suno kay Marie-Pierre St-Onge, associate professor sa nutritional medicine sa Columbia University Irving Medical Center kag director sang Sleep Center of Excellence sa Columbia, ang mga pagkaon nga may mataas nga lebel sang kalamay, saturated fat kag processed carbohydrates ang makaguba sang imo manami nga tulog.
Mas maayo suno sa eksperto nga magkaon sang mga pagkaon nga manggaron sa fiber, unsaturated fat kaangay sang mani, olive oil, isda kag utan bangud makabulig ini agud maangkon mo ang bastante kag mahamuok nga tulog.
Dapat nga magkaupod gid pahayag sang eksperto ang healthy diet kag healthy sleep.
