Ginakabig sang Association of Taxi Operators in Panay (ATOP) nga isa ka isolated case ang natabo sa isa ka turista nga nagpadulong sa Iloilo kag ginsukot sang taxi driver sang P600 apisar nga wala sang naggamit sang metro.
Sa interview sang Bombo Radyo kay Pefecto Yap, Presidente sang Association of Taxi Operators of Panay, iya ginpahayag nga indi lipod sa kadam-an nga ang mga taxi drivers ang oriented kag trained sa mga patakaran.
Suno kay Yap, ginkakibot nila ang pag-sensationalize sang vlogger sa iya reklamo batok sa balor sang plete sini.
Nagapati man ang natungdan nga may negosasyon na nga natabo sa tunga sang pasahero kag sang driver antes pa man ang reklamo.
Nagdepensa man si Yap sa mga akusasyon sang vlogger kaangot sa pag-generalize sini nga pare-pareho lang ang tanan nga taxi driver sa Iloilo.
Lakip naman sa nangin post sang vlogger ang iya caption nga“Ilo-Ilo City, What an embarrassing moment and experience”.
Gilayon naman nga nagmando si Iloilo City Mayor Jerry Treñas sa Land Transportation Franchising and Regulatory Board (LTFRB) kag concerned agencies nga hatagan sang igtalupangod ang nasambit nga hitabo.
