ILOILO CITY – Ginklaro sang Association of Taxi Operators in Panay (ATOP) nga wala pa nagasugod ang distribution sang Pantawid Pasada Program cash aid.
Ini matapos man nga may yara sang mga driver sang taxi nga nagareklamo nga wala pa sila nakabaton sang ayuda.
Sa interview sang Bombo Radyo kay Perfeto Yap, presidente sang ATOP, iya ginpahayag nga makapila na siya ka bes nga nagpadulong sa opisina sang Land Transportation Franchising and Regulatory Board (LTFRB) -VI kag mismo si director Richard Osmeña ang nagpahayag nga wala pa.
Suno kay Yap, yara pa sa Landbank ang amo nga budget.
Dugang pa ni Yap, indi niya gusto nga maglapta ang huring-huring.
