Ginaduso sang Association of Taxi Operators of Panay (ATOP) kaupod ang iban pa nga mga grupo sang taxi operators nga madugangan sang P5 tubtob P10 ang flagdown rate sa mga taxi bangud sa pagtaas sang presyo sang produktong petrolyo.
Sa interview sang Bombo Radyo kay Perfecto Yap, Presidente sang ATOP, iya ginpahayag nga nalakip ang mga taxi drivers kag operators sa naapektuhan sang tuman nga pagsaka sang presyo sang gatong.
Suno kay Yap, direkta sila nga magapresentar sang ila ginaduso nga pagpataas sang flagdown sa Central Office sang Land Transportation Franchising and Regulatory Board (LTFRB) agud nga madasig nga maaprubahan kag mapatuman ang ila ginaduso nga pagpataas flagdown rate.
Ginpahayag man niya nga kun saligan lang ang fuel subsidy nga igahatag sang gobyerno, mabudlayan gid ang mga taxi drives kag operators bangud temporaryo lang ini nga solusyon.
Dugang pa ni Yap, mangin dako gid nga bulig sa ila kun maaprubahan ang ila ginaduso nga pagpasaka sang flagdown rate sa mga taxi.
 kaupod ang iban pa nga mga grupo sang taxi operators nga madugangan sang P5 tubtob P10 ang flagdown rate sa mga taxi bangud sa pagtaas sang presyo sang produktong petrolyo){kind=link}