Iloilo City – Achievement unlocked!
Nag-abot na gid ang ‘shining moment’ para kay Miss Universe Philippines 2020 kag Ilongga beauty queen nga si Rabiya Mateo nga nakapundar lang man sang kaugalingon niya nga balay.
Nahibaluan nga wala sang permanente nga balay ang Ilongga beauty queen kag pasaylo-saylo ini sang ginaistaran.
Suno kay Rabiya, naghalin sa pagbaka-baka kag kinabudlayan niya ang pagpatindog sang bag-o nga puluy-an.
Ini matapos nangin madinalag-on si Rabiya sa iya career sa masobra duha na ka tuig.
Tuman man pagpasalamat sini sa Miss Universe Organization kag sa iya management nga naghatag sang kahigayunan sa iya agud nga malab-ot niya ang iya nga handum.
Gin-ulan naman sang pagdayaw si Rabiya halin sa iya showbiz friends kaangay nanday Miss Universe Philippines Organization National Director Shamcey Supsup nga nagpabutyag sang iya pagpabugal matapos nga na-achieve sang Ilongga beauty queen ang handom sini.
