ILOILO CITY – Wala pa sang ideya si Department of Social Welfare and Development VI director Atty. Carmelo Nochete kun sin-o ang mabulos sa iya sa pagka-board member sa Iloilo first congressional district.
Base sa local government code, magahalin sa amo man nga partido ang indibidwal nga iga-appoint nga magabulos sa nag-resign nga opisyal.
Sa interview sang Bombo Radyo kay Atty. Carmelo Nochete, iya ginpahayag nga ang mga lideres sang Lakas–Christian Muslim Democrats diri sa probinsya sang Iloilo ang maga-recommend sa national level.
Ang provincial chairman sang ila partido sa Iloilo amo si Department of Agrarian Reform Undersecretary kag Passi City former mayor Jesry Palmares samtang ang district chairman naman amo si Miag-ao, Iloilo mayor Richard Garin.
