Ginkumpirmar sang ML Party-list first nominee nga si Leila De Lima nga nakabaton siya sang tawag halin kay House Speaker kag nakabaton siya sang imbitasyon nga magbulig bilang kabahin sang House prosecution panel sa ginaplano nga impeachment trial batok kay Vice President Sara Duterte.
Suno kay De Lima, isa ini ka importante nga responsibilidad kag handa siya maghatag sang serbisyo sa ngalan sang hustisya kag katawhan.
Padayon pa ang preparasyon sang House of Representatives para sa posible nga impeachment trial samtang ginahulat pa ang mga pormal nga dokumento kag reklamo nga isumiter batok kay VP Duterte.
Si De Lima, nga anay Secretary of Justice, kilala bilang isa ka mapag-on nga tagadepensa sa rule of law kag human rights advocacy.
Samtang, si Atty. Diokno, isa ka kilala nga abogado kag tagapangapin sang tawhanon nga kinamatarong, amo ang nominee sang Akbayan sa Kongreso.
Suno sa pahayag sang partido, handa si Diokno nga magserbisyo para sa kaayuhan sang demokrasya kag hustisya sang pungsod.
Padayon nga ginahulat ang opisyal nga pahayag halin sa kampo ni Vice Pres. Duterte kasunod sang anunsyo.
