Posible nga may panibag-o nga ‘style’ ang gobyerno sang Pilipinas sa tion nga magpaguwa sang “secret warrant” ang International Criminal Court batok kay Senator Bong Go kag sa iban pa nga indibidwal.
Ini ang paglantaw ni ICC Assistant to Counsel Atty. Kristina Conti kasunod sang wala sa gihapon matigayon nga pag-aresto kay Senator Bato Dela Rosa nga ginhatagan na lang sang isa ka semana agud magsungka sa mga awtoridad.
Magahatag man ang mga awtoridad sang P50 Million sa makahatag sang impormasyon kun sa diin nagapanago si Bato.
Suno kay Conti, nangin epektibo ang gulpyada nga pag-aresto kay former President Rodrigo Duterte sang 2025, samtang nakapalagyo naman si Dela Rosa, matapos nga nasapubliko ang iya arrest warrant nagikan sa ICC, rason nga posible gid nga may panibag-o nga estratihiya ang mga awtoridad kun ipaaresto si Go.
Pahayag ni Conti, importante nga magpabilin ang commitment sang Philippine government sa international justice kasunod sang nagapadayun nga kaso ni former President Duterte.
Nahibaluan nga isa man si Senator Bong Go sa ginhingadlan sang International Criminal Court (ICC) prosecution nga alleged co-perpetrator sa crimes against humanity case ni Duterte.
